Duana

Una duana^[1] (de l'arabe dīwān, "rechistro") ye una oficina publica gubernamental, amás d'estar una constitución fiscal, situada en puntos estratechicos. Istos puntos estratechicos son, por lo cheneral, costas, mugas, terminals internacionals de transporte de mercancía como aeropuertos u terminals ferroviarias. Ista oficina ye encargada de controlar as operaciones de comercio exterior, con l'obchectivo de rechistrar o trafico internacional de marchandisas que se importen y exporten dende un país estranchero y cobrar os impuestos estableixius por lei.^[2] Se podría afirmar que as duanas fuoron creyadas pa recullir dita peita, y d'atra man regular marchandisas que por a suya naturaleza pueden afectar a la producción nacional, a la salut publica, a la paz u a la seguridat d'una nación.^[3]

Asinas mesmo, en determinaus países a duana no nomás se limita a o control d'as marchandisas, sino que en ella tamién se regula o trafico de personas u o control de capitals.

1. ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
2. ↑ (es) Diccionario de Comercio Internacional, Terminos Maritimos, Aduaneros German Salinas
3. ↑ (es) Función de Aduana. 5 d'agosto de 2000