Europe

Europe er sænsk þungarokkhljómsveit sem var stofnuð árið 1979 í bænum Upplands Väsby og hét þá Force. Stofnendur voru söngvarinn Joey Tempest (Rolf Magnus Joakim Larsson) og gítarleikarinn John Norum. Hljómsveitin sló í gegn um allan heim með laginu „The Final Countdown“ sem kom út á samnefndri hljómplötu árið 1986.

Árin 1992 til 2003 var hljómsveitin í dvala en síðan hefur hún verið virk og gefið út nokkrar plötur og spilað reglulega.

Europe spilaði á Íslandi árið 1987. Árið 2015 spilaði íslenska sveitin The Vintage Caravan sem upphitunarsveit fyrir Europe á Skandinavíutúr þeirra.