Explosivo

Un explosivo^[1] ye toda substancia que por bella causa externa (fricción, calor, percusión, etcetera) se transforma en gases; en liberando como consecuencia calor, presión u radiación en un tiempo muit breu. Un explosivo ye un artefacto mas u menos sencillo, a sobén provisto d'un mecanismo accionador y d'un material que s'estendilla.

En cheneral, os materials explosivos gosan tener dos caracteristicas prencipals:

1. Son quimicament inestables.
2. O proceso d'iniciación produce una expansión repentina d'o material y un cambio de presión, tipicament acompanyaus d'un flaix y un rudio cerenyo: o esclatiu.

O explosivo mas antigo conoixiu ye la polvora. En o sieglo XIX s'inventó a nitroglicerina, que ye muit inestable, y mas tardi Alfred Nobel la perfeccionó y inventó la dinamita, que ye mas estable (encara que cal parar cuenta que la dinamita con o tiempo y con temperaturas calidas exuda nitriglicerina).

Os explosivos son periglosos, y bi'n ha muitos que se pueden fer con productos caseros, por eixemplo por meyo d'a combinación de salfumant y aspirina.

1. ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.