Frauenbewegung

D Frauebeweegig oder au Frauerächtsbeweegig isch e globali soziali Beweegig, wo sich für d Gliichberächtigung vo de Fraue im Staat und in dr Gsellschaft iisetzt. Si isch im Zämmehang mit de soziale und erziejerische Reformbeweegige vom 19. Joorhundert in Westöiropa und de USA entstande und het sich schnäll in anderi Länder usbräitet. No im 18. Joorhundert, währed de Französische Revolution, het d Olympe de Gouges zuesätzlich zue de Mönsche- und Bürgerrächt au Bürgerinnerächt gforderet und het so d Grundlaag für di spööteri Frauerächtsbeweegig gleggt.