Geopolitik

Gumi pamarnan maseosan utawi Geopolitik, saking basa Yunani Γη (bumi) miwah Πολιτική (politik), manut ring paiketan politik miwah wawidangan ring skala lokal utawi internasional. Geopolitik ngranjing ring praktik nyelehin, narka, narka, miwah ngawigunayang kawisesan politik ring genah sané tiosan. Sekadi khusus, geopolitik inggih punika metode analisis kebijakan luar negeri sane mautsaha ngresepang, nlatarang, lan narka parilaksana politik internasional ring sajeroning variabel geografis. Variabel geografis puniki katahnyané nganutin: genah geografis panegara utawi panegara sané kabaosang, sikut panegara sané kasarengin, iklim genah panegara punika magenah, topografi genah punika, demografi, sumber daya alam, miwah panglimbak teknologi. ^[1] Manut kadi dumun, parinama puniki akéhan kaanggén ring panglalah geografi ring politik, sakéwanten kawigunannyané sampun mauwah ring abad sané lintang mangda prasida nyarengang artos sané jimbar. Ring pangawitin abad ka20, sujana Geografi Swedia Rudolf Kjellén nyobyahang parinama "geopolitik".

Geopolitik manut ring dumun nganutin paiketan saking kekuatan politik miwah genah geografis. Sakadi sane sampun kauningin, geopolitik sering kacingak pinaka pikayunan sane malajahin indik prasyarat strategis madasar antuk pabuatnyane kekuatan darat miwah segara ring sejarah jagate. Tradisi geopolitik sampun setata mlajahin paiketan geopolitik ring politik jagaté, identifikasi genah internasional sané utama, miwah paiketan saking angkatan laut miwah darat. ^[2]

Sakadi akademis, paplajahan indik geopolitik madaging seseleh geografi, sejarah, miwah ilmu-ilmu sosial antuk nganutin politik spasial miwah polanyané ring makudangkudang undagan. Geopolitik madué makudang-kudang disiplin ilmu, miwah ngranjing ring makasami aspek ilmu sosial sané ngutamayang indik geografi politik, paiketan internasional, aspek teritorial saking ilmu politik, miwah hukum internasional. ^[3] Tiosan ring punika, paplajahan geopolitik ngranjing paplajahan indik paiketan saling mapaiketan pantaraning kapentingan pelaku politik internasional, kapentingan sane ngutamayang wawidangan, ruang, unsur geografis, paiketan sane ngawetuang sistem geopolitik. ^[4]

1. ↑ Evans, G & Newnham, J., (1998), "The Penguin Dictionary of International relations", Penguin Books, London, Uk. ISBN 0-14-051397-3
2. ↑ Oyvind Osterud, "The Uses and Abuses of Geopolitics", "Journal of Peace Research, no. 2, 1988, p. 192.
3. ↑ Geopolitics Journal home page - http://www.tandf.co.uk/journals/titles/14650045.asp Error in Webarchive mal: Empty url.
4. ↑ Vladimir Toncea, 2006, "Geopolitical evolution of borders in Danube Basin"