Die Girondiste is tydens die Franse Rewolusie die party van die gematigde republikeine, met die advokaat Pierre Victurnien Vergniaud (1753-1793), die politikus Jean Pierre Brissot (1754-1793), die egpaar Roland en ander as sy vernaamste aanvoerders. Hulle pleit vir 'n federatiewe staatkundige struktuur van die nuwe republiek en neem die grondwet van die Verenigde State van Amerika as 'n voorbeeld.
Hoewel hulle die meerderheid in die Franse Wetgewende Vergadering het, word hulle in die Konvent as regse vleuel beskou. Die Jakobyne bring die party tot 'n val en stel 'n vervolging teen sy lede in. Baie van hulle word tereggestel.
Die Girondiste is verantwoordelik vir die Franse oorlogsverklaring teen Oostenryk in 1792.
© MMXXIII Rich X Search. We shall prevail. All rights reserved. Rich X Search