Hier

Neet te verwarre mit Hieër op 't Belsj.

Dit artikel is gesjreve (of begós) in 't Hiersj. Laes hie wie v'r mit de versjillende saorte Limburgs ómgaon.

Hier (officieel Nederlands: Heer) is e dörp/sjtadswiek in de gemeinte Mesjtreech, oostelik vân Wiek en zuijelik vân Amie. Besjèrmhier vân 't dörp is de Heilige Petrus, aan wae 'n bezeensweerdege neo-gotische kèrk gewijd is (ingewijd 1905).

In vreuger tije vörmde Hier same mèt noordelek Keer de hierlekheid, later gemeinte, Hier en Keer. Die woort in 1828 opgeheve: noordelek Keer góng same mèt zuijelek Keer (Cadier), en Hier woort 'n gemeinte op zich. De gemeinte bleef besjtaon tot 1 juli 1970. Ze leep tot aan de bebouwing vân Amie en Wiek (en hinderde Mesjtreech daodoor in ziene greuj). Tege de annexatie vân 't dörp zien acties gevoord zoewie Hier blijf Hier.

Hier haet 'n eige dialek (zuug Hiersj), wat op wezelike punte vân 't Mesjtreechs aafwiek. Zoe ligk 't ten ooste vân de Panninger Linie en weure de vocale neet laank getrokke.

1. ↑ ^{1,0 1,1 1,2 1,3} Citeerfout: Ónzjuuste tag <ref>; d'r is gein teks opgegaeve veur refs mit de naam vt60