Holzi | |
---|---|
ing. Halsey | |
Ümumi məlumatlar | |
Doğum adı | Ashley Nicolette Frangipane |
Ləqəbi | Halsey[8] |
Doğum tarixi | 29 sentyabr 1994[1] (29 yaş) |
Doğum yeri | |
Vətəndaşlığı | |
Uşağı | 1[2] |
Partnyorları | |
Musiqiçi məlumatları | |
Fəaliyyəti | müğənni, mahnı yazarı[d], səsləndirmə aktrisası[d], bəstəkar, söz yazıçısı[d], gitaraçı |
Fəaliyyət illəri | 2012-ci ildən |
Janrlar | pop musiqisi, elektropop[d], sinti-pop, art pop, alternativ pop[d], alternativ rok, alternativ R&B[d], indi-pop, müasir R&B[d] |
Albom şirkətləri | Capitol Records[d], Columbia Records[7] |
iamhalsey.com | |
Vikianbarda əlaqəli mediafayllar |
Holzi (əsl adı: Eşli Nikolett Francipani; 29 sentyabr 1994[1], Edison, Nyu Cersi, ABŞ[9][10])[11] — ABŞ müğənnisi və mahnı yazarı.[12] O, özünəməxsus ifası ilə tanınır və karyerası boyunca çoxlu nailiyyətlər əldə etmişdir.[13] O, "Billboard Musiqi" və "Amerika Musiqi" mükafatları daxil olmaqla bir çox mükafatlara layiq görülmüş, həmçinin üç dəfə "Qremmi" mükafatına namizəd göstərilmişdir.[14] Holzi 2020-ci ildə Time jurnalının tərtib etdiyi dünyanın ən nüfuzlu insanları siyahısında yer almışdır.[15]
Holzi Nyu-Cersidə doğulub boya-başa çatmışdır. O, sosial media platformalarında öz ifalarını paylaşaraq tanınma qazanmışdır. Holzi 2014-cü ildə Astralwerks musiqi şirkəti ilə müqavilə bağlamış və həmin ilin oktyabrında "Room 93" adlı ilk mini-albomunu buraxmışdır. O, mini-albomun uğurundan sonra 2015-ci ildə "Badlands" adlı debüt studiya albomunu yayımlamışdır. Bu albom Amerika Səsyazma Sənayesi Birliyi (RIAA) tərəfindən ikiqat platin sertifikatına layiq görülmüşdür. Albomun ən çox bəyənilən trekləri "Colors", "Gasoline" və "New Americana" olmuşdur.
Holzi The Chainsmokers qrupu ilə birlikdə 2016-cı ildə buraxdığı "Closer" mahnısı ilə böyük uğur əldə etmişdir. Mahnı bir çox hit-paradlara başçılıq etmişdir. O, 2017-ci ildə "Hopeless Fountain Kingdom" adlı ikinci albomunu təqdim etmişdir. Albom Bilboard 200 hit-paradında birinci yerə yüksəlmiş və ölkənin bir nömrəli albomu olmuşdur.
Holzinin 2020-ci ildə buraxdığı üçüncü studiya albomu "Manic" onun bütün dünyada ən çox satılan albomu olmaqla görünməmiş uğur qazandı. Albomdan buraxılan ilk sinql "Without Me" ən çox bəyənilən trek oldu. Bu mahnı Billboard Hot 100 hit-pardında ən yüksək mövqeyi tutdu və RIAA tərəfindən almaz sertifikatla mükafatlandırıldı. Holzinin dördüncü albomu "If I Can't Have Love, I Want Power" 27 avqust 2021-ci ildə işıq üzü gördü.
© MMXXIII Rich X Search. We shall prevail. All rights reserved. Rich X Search