Huisvlieg

Huisvlieg
Bewaringstatus
Ongeëvalueer  (IUCN 3.1)
Wetenskaplike klassifikasie
Koninkryk:	Animalia
Filum:	Arthropoda
Klas:	Insecta
Orde:	Diptera
Familie:	Muscidae
Subfamilie:	Muscinae
Tribus:	Muscini
Genus:	Musca
Spesie:	M. domestica
Binomiale naam
Musca domestica Linnaeus, 1758
Subspesies
Sien teks
Sinonieme
Musca contigua Walker, 1853 Musca harpyia Harris, 1869 Musca vicina Macquart, 1851

Die huisvlieg (Musca domestica) is 'n swartgrys, harige en redelik lomp geboude insek. Die larwe of maaier ontwikkel in onder meer huishoudelike afval en ondergaan drie vervellings voordat dit in 'n papie verander. Die volwasse insek het ’n paar goed ontwikkelde vlerke, waarvan die tweede, agterste paar verklein is tot kolfvormige ewewigsorgaantjies. Die insek suig sy voedsel op met behulp van 'n slurpie met 'n sponsagtige punt. Met die speeksel wat dit dan afskei, kan die huisvlieg verskillende siektes oordra.