IPhone

S iPhone [ˈa͡ɪfo͡ʊn] is a Mobuitelefon vo Apple. Es is a Smartphone mit Internetz- und Multimedia-Fähigkeitn. S iPhone wead iwa an Buidschiam gsteiat, dea wo mit mearan Fingan bedeant wean ko ("Multi-Touch"); weidas hods no via Tastn und an Schiebeschoita. S iPhone is im Joa 2007 aussakema und vom US-Magazin Time glei zua "Eafindung vom Joa" gwejd woan. Dazua hod sowoi de Nutzafreindlichkeit ois wia da Livestyle-Faktor beitrong. Bis Meaz 2011 san scho iwa 100 Milliona iPhones vakafft worn. A kloana Iwablick iwa de Funktionalität vom iPhone: Kamara voan und hinten, Internetz, E-Post, Äpps, Datenspeicha bis 64 GB und Videotelefonie. Es gibt zua Zeit 7 Generationa vom iPhone.