Isollinia

Una isollinia (tamién llamada, isopleta, curva de nivel, isógrama o isaritma), pa una función de delles variables, ye una curva que coneuta los puntos en que la función tien un mesmu valor constante.

Les isollinies que se representen nun mapa son llinies, rectes o curves, que describen la interseición d'una superficie real o hipotética con unu o más planos horizontales. La configuración d'estes curves dexa a los llectores del mapa inferir el gradiente relativu de la variable o parámetru y envalorar un valor nun llugar determináu.

El gradiente de la función ye siempres perpendicular a la isollinia. Cuando les llinies tán mui cerca, el llargor del gradiente ye grande: la variación ye acentuada. Si les isollinies axacentes tienen la mesma grosez de llinia, la direición del gradiente nun puede determinase y por ello empléguense distintes groseces o se retulen o etiqueten numbéricamente: d'esta miente la direición del gradiente puede ser fácilmente apreciada.

L'usu más habitual de les isollinies ye en cartografía y en meteoroloxía. Un mapa topográficu (o mapa de curves de nivel) utiliza isollinies que xunen puntos d'igual altitú y amuesa, asina, la forma de los valles y les llombes, y la rimada de les fasteres.