Judensau

Judensau (be Zazaki: xoza Cıhudan be vatışo bin: mahwiya Cıhudan) asayışê ke taê merdıman Cıhudan çımanê merdıman de cêrkerdışi rê vıraştê, inan rê yenê vatış. Asayış u heykelê Judensau de Cıhudan ya şıtê yew xoza maykiye (mahwiye) şımenê ya zi be a xoze mınasebetê cınsi kenê. Judensau serranê 1200an de veciy miyan u heta serranê 1900an dewam kerd.

Judensau heqareto zaf gırdo ke eşto Cıhudan ser. Çınke goşt u şıtê xozi dinê Cıhudan de gunaê, zey İslami. Key ke Ewropa de merdıman enê heykeli u teswiri vıraştê, waştê ke zerar bıdê Cıhudan, inan bêercan kerê. Xoza Judensau zey şeytani zi yena motış. Coka Judensau propaganda antisemitika.