Karlspreis

Dr Karlsbryys (dt. Internationaler Karlspreis der Stadt Aachen, syt 1988 Internationaler Karlspreis zu Aachen, churz Karlspreis), wird alljohr z Aachen fir Verdienscht um di Europäisch Ainigung vergee. Verlihe wird näbe dr Urkund au ne Medallie, wu ne Bild vum Karl em Große uf dr Vordersyte zaigt, e Darstellig vum eltschte erhaltene ‚Stadtsiigel vu dr Stadt Aachen us em frieje 12. Johrhundert. Dr Abschluss vu dr Verleihigszeremoni vum mit ere Summe vu 5000 € dotierte Karlsbryys bildet d Red vum Bryysdreeger.

Dr Bryys isch noch em Karl em Große gnännt, wel dää as dääjenig giltet, wu Europa zum erschte Mol veraint het, un wel er am Änd vum achte Johrhundert Aachen zue syre Lieblingspfalz gwehlt ghaa het.

D Verleihig findet draditionäll am Uffahrtsdag im Chrengissaal vum Rothuus z Aachen statt. D Uuswahl vum Bryysdreeger drifft s Direktorium vu dr Karlspreisgesellschaft, wu hite us em Oberburgermaischter vu dr Stadt Aachen, em Dompropst z Aachen un em Rektor vu dr RWTH Aachen, Verdrätter vu dr im Rot vu dr Stadt Aachen verdrättene Fraktione, vum Direktorium benännte Mitglider, gwehlte Mitglider un Verdrätter vu dr Stiftung bstoht.