Klassizismus

D Brinzässinne vom Johann Gottfried Schadow

Klassizismus bezäichnet as kunstgschichtligi Epoche d Zit zwüschen öbbe 1770 und 1840. Dr Klassizismus het dr Barock abglööst. Äi Form vom Klassizismus isch s Biedermeier (1815 bis 1848). D Epoche vom Klassizismus isch in dr Moolerei und dr Litratuur vo der Romantik begläitet und in dr Archidektur vom Historismus abglööst worde.

Mä cha dr Klassizismus im Verheltnis zum Barock as künstlerischs Geegebrogramm uffasse. Gege s Ändi vom 18. Joorhundert isch er noch ere erste Faase vo Koexistänz dur die ständige Diskussioone über die esthetische Läitbilder vom Barock vorherrschend worde. Dr Klassizismus in dr Archidektuur basiert uf em Formekanon vom antike griechische Tämpelbau, het sich däilwiis aber au an die italiänischi Früerönessans aagläänt.

Usserhalb vom dütschsproochige Ruum wird dr Klassizismus as 'Neoklassizismus' bezäichnet, drgege bezäichnet Neoklassizismus im Dütsche die klassizistische Ströömige im 20. Joorhundert.