Klavesimbel

'n Klavesimbel is 'n snaarinstrument wat met toetse, oftewel sleutels, bespeel word. Die snare van 'n klavesimbel word gepluk of getokkel, anders as die klavichord en klavier, waar die snare aangeslaan word. Die klank van 'n klavesimbel is soortgelyk aan dié van 'n luit, maar harder. Iemand wat 'n klavesimbel speel word 'n klavesimbelspeler genoem.

Die virginaal en spinet was van die vroegste en eenvoudigste vorme van die klavesimbel. Voordat die klavier uitgevind is, was die klavesimbel, saam met die orrel, die belangrikste klawerbordinstrumente. ^[1]

1. ↑ Ripin, Edwin M.; Koster, John (2001). "Buff stop [harp stop and (erroneously) lute stop]". Grove Music Online. doi:10.1093/gmo/9781561592630.article.04266. ISBN 978-1-56159-263-0. Besoek op 18 April 2021.