Krampus

An Krampus sarong may sungay na antropomorpikong pigura na, sa tradisyon folkloriko kan Sentral asin Sirangan na Alpino, sinasabing nag-iiba ki San Nicolas sa mga pagbisita sa mga kaakian sa banggi kan 5 Disyembre (Krampusnacht ; "Krampus Night"), bago tulos an Kapiyestahan ni San Nicolas kan 6 Disyembre. Sa tradisyon na ini, si San Nicolas nagtatao nin premyo sa mga aki na may marahay na gawe-gawe nin saradit na regalo, mantang si Krampus nagpapadusa sa mga maraot an gawe-gawe nin mga pagbadas o paghampak. ^[1][2]

An ginikanan kan pigura bakong malinaw; an nagkapirang folklorist asin antropologo nagpostulate na ini pwedeng igwa nin pre-Kristiyanong ginikanan. ^[3]Sa nagkapirang tradisyonal na parada asin sa mga pangyayari arog kan Krampuslauf ("Krampus run"), an nagkapirang hoben na lalaki na nakagubing nin Krampus nagpoprobar na takoton an mga paradalan sa saindang mga kalokohan. An Krampus itinampok sa mga greeting card sa bakasyon na inaapod Krampuskarten.

An pigura pig-importar sa popular na kultura sa bilog na kinaban, asin nagluwas sa mga pelikula, palabas sa TV asin mga kawat.

1. ↑ Magazine, Smithsonian; Billock, Jennifer. "The Origin of Krampus, Europe's Evil Twist on Santa". Smithsonian Magazine. Retrieved 2023-12-04. 
2. ↑ "Krampus | Definition, History, & Facts | Britannica". britannica.com. 2023-10-20. Retrieved 2023-12-04. 
3. ↑ Forcher, Michael; Peterlini, Hans Karl (2010). Südtirol in Geschichte und Gegenwart [South Tyrol past and present] (in German). Haymon Verlag. p. 399.