Liturgie

As Liturgii (vo altgriechisch λειτουργία leiturgía „öffentlige Dienst, Gmäindidienst“; us λαός/λεώς/λειτός laós/leōs/leitós „Volk, Volksmängi“ und ἔργον érgon „Wärk, Dienst“) bezäichnet mä d Ornig und alli religiööse Zeremonie und Rite vom jüüdische und vom christlige Gottesdienst. Dr Begriff wird mänggisch au für d Ornig vo de religiööse Fiire vo andere Religioone bruchtt.

Mit em Fiire vo dr Liturgii wird Gott vereert und dr Glaube vo dr Gmäind verdieft. D Liturgii umfasst alles was im Gottesdienst bassiert: Gebät, s Lääse vo dr häilige Schrift und Verkündigung, Gsang, Gestik, Beweegig und Gwänder, liturgischi Gräät, Sümbool und Sümbolhandlige, s Spände vo Sakramänt und Sakramentalie.