Lodan

Lodan^[1] (hurup Arab Gundul: لودن) atawa paus (hurup Arab Gundul: فاؤوس) ièlah atu kumpulan héwan nété' lodan-lodanan (Cetacea) nyang idupnya di laotan. Sepegimana héwan nété' laènnya, lodan ambekannya ambekan oksigèn deri udara, ada punya sedikit rambut, ama darah angetan.

Lodan entu umumnya panjangnya lèbih dari 10 kaki (kira-kira 3 mèter). Bébérapa jenis, utamané paus balin, bisa nyampe 60 kaki (18 mèter) atau malah lèbih. Paus biru itu binatang paling gedé yang perna idup di dunia. Panjangnye bisa lèbih dari 100 kaki alias 30 mèter.^[2]

Warné kulit paus biasanye hitam, abu-abu, hitam putih, atawa putih. Ade jugak yang warnanye abu-abuan kebiruan. Kulit paus licin bener. Di bawah kulitnya ade lapisan lemak tebel yang namanye blubber, gunanye buat ngelindungin badannya dari air laut nyang dingin.

Badan paus bentuknye kayak torpedo, jadi gampang ngeluncur di air. Dia ngedayung maké ekornye, gerakannye naék-turun. Ekor paus kebagi dua bagian lebar, yang disebut flukes. Flukes ini ngelipar ke samping (horisontal), bukannye naék-turun (vertikal) kayak sirip ikan. Paus jugak maké dua sirip depan di badannye buat nyetir arah waktu berenang.

Paus kudu naék ke permukaan air buat napas. Dia nyedot udara lewatin satu atawa dua lubang napas, yang ade di ubun-ubun kepalanye, disebut blowhole.^[2]

Lodan purba mulé bérobah (béévolusi) pas tengah-tengah zaman Eosen, kira-kira 50 juta taun yang lalu. Salah satu paus paling tua yang udah punah namanye Basilosaurus, yang kepalanye kécil, moncongnye nyongol, dan bergigi. Basilosaurus panjangnye bisa nyampe 25 mèter.

Fosil nunjukin kalo paus asalnye dari binatang darat yang berkuku, mungkinnye dari binatang kayak Mesonikhid (binatang model serigala yang tinggal di pinggir pantai) yang pelan-pelan balik lagi ngisi lautan, sekitar 50 juta taun yang lewat. Satu lagi binatang yang mungkinnye berubah jadi paus, namanye Ambulocetus, mamalia segede anjing laut, tapi panjangnye bisa 3 mèter, bobotnye 325 kilo.

Sekarang ini, ade dua golongan paus, yakni paus bergigi (Odontoceti) ama paus kagak bergigi (Mysticeti). Paus Odontoceti, yang bergigi itu, adalah pemburu, makannye ikan, sotong, ama mamalia laut, terus cuman punye satu lubang napas. Paus bergigi ini deket kerabatnye sama lumba-lumba ama pesut.

Sementarané, paus yang kagak bergigi ukurannye lebih gede dari paus bergigi. Dia punye struktur balin, bentuknye mirip sikat. Struktur ini dipake buat nyaring plankton di dalem air — itu makanannye. Paus balin punye dua lubang napas.^[3]

1. ↑ von de Wall, H. (1880). Maleisch-Nederlandsch Woordenboek: Op het last van het Gouvernement van Nederlandsch-Indië. J. 3. Lansdrukkerij. h. 93.
2. ↑ ^{a b} https://kids.britannica.com/kids/article/whale/353922#:~:text=Physical%20Features&text=Whales%20are%20generally%20more%20than,the%20top%20of%20the%20head.
3. ↑ https://www.teman.marica.id/ipa/paus-lodan