Medecina

Iste articlo ye sobre os farmacos. No s'ha de confundir con a Medicina, a ciencia que estudeya las malautías.

Una medecina^[1], medicina^[1], merecina^[1] u medicamento^[1] se puet definir como cualsiquier substancia destinata a estar utilizata en o diagnostico, cura, mitigación, tractamiento u prevención de malautías.^[2][3] Ye una substancia, simpla u compuesta, emplegata con una finalidat terapeutica contra las manifestacions patolochicas, tanto si produce o suyo efecto suprimindo a causa d'a malautía como si nomás en atenua os sintomas.^[4] Ista substancia ye integrata en una forma farmaceutica y ye destinata a la suya utilización en as personas u en os animals, dotata de propiedaz ta prevenir, diagnosticar, tratar u curar malautías u ta afectar funcions corporals u o estato mental, tot ixo por a vía d'administración adecuata, y con a dosificación de farmaco prevista. As medecinas que nomás contienen un prencipio activo se gosan decir farmacos. L'efecto terapeutico d'a medecina s'acompanya, a vegatas, d'efectos no deseyables u segundarios.^[5]

1. ↑ ^{1,0 1,1 1,2 1,3} (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
2. ↑ (en) US Federal Food, Drug, and Cosmetic Act, SEC. 210., (g)(1)(B).
3. ↑ (en) Directive 2004/27/EC of the European Parliament and of the Council of 31 March 2004 amending Directive 2001/83/EC on the Community code relating to medicinal products for human use. Article 1.
4. ↑ (ca) Medicament Gran Enciclopèdia Catalana, SAU
5. ↑ (ca) Medicament. Diccionari Enciclopèdic de Medicina. Enciclopèdia Catalana, S.A., 1997-2009.