Neoconservadurismu

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Neoconservadurismu}} ~~~~

El neoconservadurismu ye una ideoloxía marcada polos oxetivos políticos ya idees de los «nuevos conservadores», aniciada n'Estaos Xuníos, pa depués influyir en países como Reinu Xuníu, República Checa, Xapón, ente otros. La novedá respeuto al clásicu conservadorismu consiste en que ye una nueva folada del pensamientu y organización política conservadora.^[1] Considérase-y como un movimientu políticu surdíu como reaición a les idees de la contracultura d'esquierda de la década de 1960. El neoconservadurismu defende l'individualismu, el mercáu llibre y la promoción asertiva de la democracia y los intereses internacionales del país, inclusive pela vía militar.

La pallabra neoconservador —dacuando embrivida a «neocon»— foi nos sos entamos utilizada pa describir a los intelectuales comunistes americanos que yeren críticos cola ideoloxía soviética. Dende la década de los 30 hasta principios de los 50, munchos conservadores yeren acérrimos non-intervencionistes y la Old Right tuvo comprometida col conceutu del anti-imperialismu hasta finales de los 60, cuando'l neoconservadores empezaron a sofitar el intervencionismu contra la URSS.

1. ↑ E.J. Dionne, (1991) Why Americans Hate Politics, New York, New York: Simon & Schuster Inc. p. 56. ISBN 0-671-68255-5