An Partido Federal kan Filipinas (Ingles: Federal Party of the Philippines; Tagalog: Partido Federal ng Pilipinas), bistado man sa inisyal na PFP, iyo sarong nasyunal na partido politikal sa Filipinas.[1] Namokna ini kan mga mahigot na kaalyado ni Presidente Rodrigo Duterte na pinapangenotan kan Kahilom nin Departamento nin Agraryanong Reporma na si John Castriciones. An partido naitogdas bilang suporta sa gobyernong Duterte.[2] Kan October 2018, an Komisyon sa Eleksyon kan Filipinas pigtugotan an akreditasyon kan Partido Federal kan Filipinas.
An partido susuportahan an kandidatora ni Bongbong Marcos, na nagbali sa partido kan Oktubre 5, 2021,[3] para sa pang-presidenteng eleksyon sa 2022.[4]
© MMXXIII Rich X Search. We shall prevail. All rights reserved. Rich X Search