Paya[1] (basa Inggris: marsh) adalah lahan basah parian baruh nang ditanami lawan kumpai atawa tumbuhan terna.[2] Tatanaman nang rajin hidup di payau misalnya wlingi, mendong, gelagah, bakung, teratai wan banyak pang lagi. Bahanu tatanaman nang lain jua ada, tagal jarang jumlahnya, kaya tanaman kayu nang lambat tumbuh. Lingkungan payau kawa dibanjiri banyu tawar, banyu payau, atawa banyu asin.
Paya mungkin marupakan bagian matan ekosistim nang labih ganal, kaya hutan bakau atawa hutan gambut. Atawa, marupakan wilayah ekoton (pergeseran) antara danau, sungai wan hutan rawa banyu tawar.
Wilayah nang kaya ini rancaknya kaya akan jenis-jenis iwak, sahingga jadi habitat nang panting gasan macam-macam margasatwa, tarutama burung merandai, itik liar wan angsa liar. Salain itu ada jua buhaya wan binatang-binatang nang lain nang kaya ular sanca wan anakonda.
Peruraian bagian-bagian tumbuhan nang tenggelam ke dasar paya menghasilkan gas rawa, nang bahanu tabakar sorangan wan meulah api misterius; sabuah fenomena nang di nagara-nagara Barat rancak dihubungakan lawan keberadaan jin atawa hantu banyu/hutan nang dinamai Will o' the wisp, lentera labu, atawa peri hutan.
© MMXXIII Rich X Search. We shall prevail. All rights reserved. Rich X Search