Principiu

Principiu
estructura y regla

Un principiu ye una llei o regla que se cumple o tien de siguise con ciertu propósitu, de resultes necesaria de daqué o col fin de llograr un propósitu. Les lleis naturales son exemplos de principios físicos, en matemátiques, algoritmia y otros campos tamién esisten principios necesarios o que se cumplen ensin más o que tendríen de cumplise si pretende tenese ciertu estáu de fechos.

Otra manera de concebir los principios inherentes a un sistema o una disciplina ye como un reflexu de les carauterístiques esenciales d'un sistema, que los usuarios o investigadores asumen, y ensin los cualos nun ye posible trabayar, entender o usar dichu sistema

Etimológicamente principiu deriva del llatín principium 'empiezu, primer parte, parte principal' de la mesma deriváu de prim- 'primero, en primer llugar' y cap(i)- 'tomar, coyer, garrar', polo que lliteralmente principium ye 'lo que se toma en primer llugar'. Puede llamáse-y principiu a los valores morales d'una persona o grupu.