Radioayuda

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Radioayuda}} ~~~~

La radioayuda o radionavegación puede definise como'l conxuntu de señales radioeléctriques, xeneralmente xeneraes n'instalaciones terrestres y recibíes a bordu, que permiten a l'aeronave guiase.

Magar el control de tráficu aereu (ATC) o l'asistencia de les aeronaves en tierra ye importante ya imprescindible, n'igual midida sonlo los sistemes de navegación que s'atopen nos aeropuertos. Estos sistemes electrónicos comúnmente llamaos radioayudes, son sistemes electrónicos nos que'l so funcionamientu consiste nuna emisión constante d'ondes de radio, estes ondes son captaes pol avión que tenga sintonizada la frecuencia d'esa radioayuda, de siguío los sistemes del avión traducen eses ondes en datos que puede ver la tripulación de la cabina.

Esisten dellos tipos de radioayudes ente les que s'atopen el VOR, el ADF, el TACAN, el ILS, etc.

El VOR apurre diversa información al pilotu, amosándo-y la posición nun momentu determináu frente a la estación emisora en cuestión, la mayoría de los VOR's incluyen el sistema de midida de distancia denomináu DME. El ADF ye la radioayuda más básica y funciona como una radio de banda AM y namái informa del aldu al que ta la estación emisora. El ILS pela cueta ta diseñáu casi namái pa realizar aterrizaxes de precisión en condiciones atmosfériques adverses, sobremanera con baxa visibilidá. La función principal del ILS ye informar a la tripulación si nel aproximamientu l'avión alcuéntrase na sienda de planéu de la pista, de forma que la toma de tierra sía sele.