Refleksologio

Refleksologio estas pseŭdoscienca alternativa kuracmetodo kiu rilatas al akupunkturo^[1] kaj kiu baziĝas sur la ideo ke ĉiuj organoj kaj korpopartoj estas ligitaj kun lokoj sur la piedoj, manoj aŭ oreloj, foje uzante ilojn, oleojn kaj lociojn^[2][3]. Praktikantoj asertas ke la plando — kelkaj homoj aldonas ankaŭ la manojn kaj orelojn — povas esti dividita en zonoj kiuj korespondas kun partoj de la korpo kiel la koro, la hepato ktp. La promociantoj kaj iniciatintoj de ĉi tiu praktiko, kiuj portas la ŝarĝon de pruvo, neniam provizis ajnan pruvon pri la terapia efikeco kiun ili asertas. Krome, retrospektive, klinikaj provoj ankoraŭ ne pruvis ajnan specifan efikecon de refleksologio, aŭ diagnoze aŭ terapie. Ĝi estas tiel efika kiel simpla ripozo. Ankaŭ ne ekzistas evidenteco, ke regulaj refleksologiaj sesioj ludas preventan rolon.

Per masaĝtekniko de la tiel nomataj refleksaj punktoj de la piedoj kaj manoj refleksologoj provas ripari la tiel nomatan energiobalancon kaj senti je kiu koresponda organo io malbonas. Laŭ la refleksologio, malsano estas la sekvo de energiblokadoj kaj ĝuste la energitrafluo estas la bazo de nia sano. Tiu ĉi ideo ne kongruas kun la tradicia moderna medicino, kiu ligas malsanoj al indikeblaj malsanigantoj kiel bakteriaj inflamoj aŭ al genaj faktoroj.

La refleksologia mapo montras refleksozonoj je la piedo aŭ la mano:

		cerbo		stomako
		sinusoj		lieno
		voĉo		hepato
		hipofizo		galveziko
		kolo kaj gorĝo		surrenaj glandoj
		okuloj		pankreato
		oreloj		renoj
		akselo		uretero
		brako kaj ŝultro		veziko
		pulmoj kaj brusto		dika intesto
		koro		maldika intesto
		tiroido kaj bronkoj		kokcigo
		solarplexus		iskiatika nervo
		diafragmo		plakoj de Peyer
		apendico

1. ↑ (en) Peters U. Ĉapitro 6 "Akupunkturo kaj Refleksologio" // Mistika Medicino (Mystical Medicine). - TEACH Services, Inc., 1995 .-- 86 p. - ISBN 9781572580442 .
2. ↑ (en) Koontz K., Koontz B, The Complete Guide to Foot Reflexology, Refleksologia Esplora Projekto, 1993.
3. ↑ (en) Natural Standard, Havard Medical School, la 6-an de majo 2008, arkivita de la originalo, la 18-an de februaro 2012.