Sappho

Sappho (boarische Aussproch: [ˈsapfoː]; attisches Griachisch Σαπφώ Sapphō, Aussproch (klassisch) [sapʰːɔ́ː], aiolisches Griachisch Ψάπφω^[1] Psapphō, Aussproch (klassisch) [psápʰːɔː]; * zwischn 630 v. Kr. und 612 v. Kr.; † um 570 v. Kr.) wor a antike griachische Dichdarin. Se guit ois de bedeitandste Lyrikarin vom klassischn Oitadum und gheat zum Kanon vo de nein Lyrika. Se hod z Mytilene auf da Insl Lesbos glebt, am kuiturejn Zentrum vom 7. voachristlichn Joarhundat. In ian Gedichtln spuit de erotische Liab a wichtige Roin. Noch heitiga Einschetzung san nua rund 7 Prozent vo iam Gsamtweak dahoidn bliem.

1. ↑ Aso nennt se si selwa in dem Gedicht aus iaram easchtn Buach, des ma aes Nr. 1 in der Anthologia lyrica Graeca (hg. Diehls) findt: τίς σ', ὦ / Ψάπφ', ἀδικήει; - „wer, Psappho, tuat dar a Load a(n?“ (Vers 19 f.)