Schtraukn

De Schtraukn (deitsch: Verkühlung, Erkältung) is a akute Infektionskraungheit vo da Schleimhaut vo da Nosn (inkl. vo de Nemhöhn), vom Hois oda/und vo de Bronchien. De Infektion wiad in easchta Linie vo Viren, manchmoi an no zuasätzlich aa vo Bakterien vauasocht (Sekundärinfektion oda Superinfektion gnennt). De Schtraukn gheat zu de haifigstn Infektionen vo Menschn iwahaupt. Klaakinda san bis 13 moi im Joa betroffn, Eawoxane duachschnittlich zwa bis dreimoi im Joa.

Haifig wiad de Schtraukn aa mit da echtn Grippn (Influenza) vawexlt, de wos fia immunschwoche Leidln wia Klaakinda und oide Menschn zum Dod fian kaun.