Seche

Un seche^[1], sitio^[1] u setio^{[1][nota 1]} (d'o latín sedicum) ye un bloqueyo militar prolongato en una fortaleza, por un regular pa asaltar-la dimpués, con l'obchectivo de conquerir-la por a fuerza u por o desgaste. Se produce cuan un atacant se troba con una ciudat u fortaleza que refusa a rendición y no puet ser presa facilment con un asalto frontal. Por un regular lo que se fa ye rodeyar l'obchetibo y bloqueyar as linias d'abastimiento, por un regular aduyato con maquinaria de seche, bombardeyo d'artillería y costrucción de canyos sotorranyos pa reducir as fortificacions.

Os seches amanixen en a historia chunto con o desembolique d'as ciudaz a grans centros de poblacion. As ciudaz antigas d'Orient Meyo, por eixemplo ya amuestran restos arqueolochicos de murallas fortificatas. Mientres o Renaiximiento y Edat Moderna os seches dominoron a forma de guerra en Europa, y o mesmo Leonardo da Vinci se fació celebre por o disenyo de fortificacions en o suyo estudio.

As campanyas medievals se disenyaban con una succesión de seches. Seche celebres han estato o seche de Numancia, o seche d'Albarracín, os seches de Zaragoza, o seche de Stalingrado y o seche de Sarajevo.

1. ↑ ^{1,0 1,1 1,2} (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

Error en a cita: Existen etiquetas <ref> ta un grupo clamau "nota", pero no se trobó garra etiqueta <references group="nota"/>