Silvio Berlusconi (29 de setiembre de 1936, Milán – 12 de xunu de 2023, Milán) foi un políticu, empresariu, inversor, periodista deportivu y magnate de los medios italianu, fundador y presidente de la poderosa corporación de telecomunicaciones Mediaset. Foi, amás, el fundador y Presidente de Forza Italia, organización que depués s'integró na poderosa coalición política denomada El Pueblu de la Llibertá, de la cual foi fundador y presidente, llegando a exercer como Presidente del Conseyu de Ministros d'Italia en trés causes (1994-1995, 2001-2006 y 2008-2011). Igualmente foi Ministru de Rellaciones Esteriores d'Italia nel añu 2002 y foi Presidente de vez del Conseyu Européu mientres el segundu semestre del añu 2003.
Foi coles mesmes propietariu y presidente del equipu de fútbol AC Milan dende 1986 hasta'l 2017. Ye moteyáu Il Cavaliere («El Caballero») por tener la Ordine al merito del lavoro (Orde del Méritu al Trabayu), que trai'l tratamientu de caballeru, ente 1977 y 2014 añu nel que tuvo qu'arrenunciar primero que la Federación Nacional de los Caballeros del Trabayu -y desposeyerá de dicha orde.[18]
En 2013, la Corte Suprema de Casación condergólu en forma definitiva a 4 años de prisión por fraude fiscal.
© MMXXIII Rich X Search. We shall prevail. All rights reserved. Rich X Search