StarCraft

StarCraft
Desendolcador	Blizzard Entertainment
Distribuidora	Nintendo y Blizzard Entertainment
Plataforma	Nintendo 64, macOS, Microsoft Windows y Mac OS Classic (es)
Publicación	31 marzu 1998 2000
Serie	StarCraft (es)
Xéneru	videoxuegu d'estratexa en tiempu real
Mou	multixugador, un xugador y mou cooperativu
Preséu d'entrada	tecláu, mur y mandu de videoxuegos
Clasificaciones
CERO	Adolescentes (es)
ESRB	Adolescentes (es)
PEGI	PEGI 16 (es)
USK	USK 12
Más información
Páxina web oficial	us.blizzard.com…, starcraft.com… y starcraft.com…
' StarCraft Starcraft II (en)

StarCraft ye un videoxuegu d'estratexa en tiempu real de ciencia ficción militar desenvueltu por Blizzard Entertainment. El primer xuegu de la serie StarCraft foi llanzáu para Microsoft Windows el 31 de marzu de 1998.^[1] Ye unu de los xuegos más vendíos pa la ordenador personal^[2]con más de 11 millones de copies vendíes a nivel mundial hasta febreru de 2009. Una versión pa Mac OS foi llanzada en marzu de 1999, y una adautación pal Nintendo 64, desenvuelta en xunto con Mass Media Interactive Entertainment, foi llanzada'l 13 de xunu del 2000.^[3] El trabayu col xuegu empezó pocu dempués del llanzamientu de Warcraft II: Tides of Darkness en 1995. StarCraft debutó nel E3 en 1996, onde lo comparó desfavorablemente con Warcraft II, y, como resultancia, el proyeutu foi revisáu por completu y depués exhibíu al públicu a principios de 1997, recibiendo una respuesta muncho más positiva. StarCraft tuvo la so hestoria afecho y ampliao al traviés d'una serie de noveles, el pack d'espansión StarCraft: Brood War y dos complementos autorizaos, (StarCraft: Brood War tamién ta disponible para Nintendo 64 solo col Expansion Pak). La secuela del xuegu, StarCraft II: Wings of Liberty, foi llanzada en xunetu de 2010, colos sos 2 posteriores espansiones y una reedición llamada Starcraft: Remastered foi llanzada n'agostu de 2017, pasando la versión orixinal (espansión brood war incluyida) de ser de pagu a ser gratuita.^[4]

Ambientada nel sieglu XXVI, el xuegu xira en redol a tres especies que lluchen pol dominiu nuna parte distante de la galaxa Vía Láctea, conocíu como'l Sector Koprulu: los Terran, humanos exiliaos de la Tierra y hábiles n'afaese a cualquier situación; los Zerg, una raza d'insectoides alienígenas en busca de la perfeición xenética, encegolada cola asimilación d'otres races, y los Protoss, una especie humanoide con teunoloxía avanzada y habilidaes psiónicas, tratando de caltener la so civilización y tamién de manera estricta la so filosofía de vida de los mesmos Zerg. El xuegu foi emponderáu por ser pioneru nel usu de les facciones úniques de xuegu d'estratexa en tiempu real^[5] y de una hestoria convincente.^[6]

Munchos de los periodistes de la industria emponderaron al StarCraft como unu de los meyores^[7] y más importantes^[8] videoxuegu de tolos tiempos, y por alzar el llistón pal desenvolvimientu de videoxuegos d'estratexes en tiempu real.^[9] El StarCraft multixugador ye especialmente popular en Corea del Sur. Nesti país hai xugadores y equipos profesionales que tienen patrocinadores y participen en competencies tresmitíes per televisión.^[10]

1. ↑ «StarCraft's 10-Year Anniversary: A Retrospective». Blizzard Entertainment. Archiváu dende l'orixinal, el 2 d'abril de 2008. Consultáu'l 2 d'abril de 2012.
2. ↑ Kris Graft (11 de febreru de 2009). «Blizzard Confirms One "Frontline Release" for '09». Edge. Archiváu dende l'orixinal, el 10 d'avientu de 2011. Consultáu'l 2 d'abril de 2012.
3. ↑ «StarCraft 64». IGN. Archiváu dende l'orixinal, el 11 d'abril de 2012. Consultáu'l 2 d'abril de 2012.
4. ↑ IGN Llatinoamérica (19 d'abril de 2017). «forma gratuita-pa La entrega orixinal de StarCraft y la so espansión pasa a ser gratuita y ta disponible pa la so descarga». IGN. Consultáu'l 21 d'abril de 2017.
5. ↑ Chick, Tom (2 de xunu de 2000). «StarCraft». IGN. Consultáu'l 3 d'abril de 2012.
6. ↑ Dulin, Ron (15 d'abril de 1998). «StarCraft for PC Review». GameSpot. Archiváu dende l'orixinal, el 3 de febreru de 2009. Consultáu'l 3 de xunu de 2012.
7. ↑ «Top 100 Games». Edge (2 de xunetu de 2007). Archiváu dende l'orixinal, el 2 de febreru de 2008. Consultáu'l 3 de xunu de 2012.
8. ↑ «The 52 Most Important Video Games». GamePro. Archiváu dende l'orixinal, el 13 de setiembre de 2008. Consultáu'l 2 d'abril de 2012.
9. ↑ «The Greatest Games of All Time». GameSpot (1998. Archiváu dende l'orixinal, el 05 de xunetu 2006). Consultáu'l 3 d'abril de 2012.
10. ↑ Cho, Kevin (15 de xineru de 2006). «Samsung, SK Telecom, Shinhan Sponsor South Korean Alien Killers». Bloomberg.com. Consultáu'l 2 d'abril de 2012.