Steam | |
---|---|
![]() | |
![]() Акно чату кліента «Steam» (версія супольнасці «Steam», версія на англійскай мове). | |
Тып | лічбавае распаўсюджванне / тэхнічныя сродкі аховы аўтарскіх праў / сродак імгненнага абмену паведамленнямі |
Аўтар | Valve Corporation[1] |
Распрацоўшчык | Valve Corporation |
Напісана на | C++, Java і Objective-C |
Аперацыйная сістэма | Windows, macOS, Linux, Android, iOS і Windows Phone[d] |
Мовы інтэрфейсу | 28 моў |
Першы выпуск | 12 верасня 2003 |
Апошняя версія | 1666144119, Steam API: v020 (18 кастрычніка 2022) |
Бэта-версія | 1666923262, Steam API: v020 (27 кастрычніка 2022 года) |
Ліцэнзія | прапрыетарная ліцэнзія[d] |
Сайт | store.steampowered.com |
![]() |
«Steam» (МПА: [stiːm]) — сэрвіс лічбавага распаўсюджвання камп’ютарных гульняў і праграм, які належыць кампаніі «Valve», вядомаму распрацоўшчыку камп’ютарных гульняў. «Steam» выконвае функцыі службы актывацыі, загрузкі праз Інтэрнэт, аўтаматычных абнаўленняў і навін для гульняў як самой «Valve», так і іншых распрацоўшчыкаў па дамове з «Valve», такіх як «Epic Games», «THQ», «2K Games», «Activision», «Capcom», «Codemasters», «Eidos Interactive», «1С», «GSC Game World», «id Software», «SEGA», «Atari», «Rockstar Games», «Telltale Games», «Ubisoft», «Bethesda Softworks», «Paradox Interactive» і многіх іншых фірмаў, якія аформілі кантракт на дыстрыбуцыю.
Па стане на восень 2015 года праз Steam распаўсюджваецца каля 6 500 гульняў для аперацыйнай сістэмы «Microsoft Windows», звыш 2 300 гульняў для «OS X» і звыш 1 500 гульняў для «Linux»[2], на якія дзейнічаюць штодзенныя і «сяродтыднёвыя» зніжкі, а таксама зніжкі на выхадныя дні[3]. Колькасць актыўных уліковых запісаў «Steam» перавышае 125 мільенаў[4]. Поўны спіс выдаўцоў і распрацоўшчыкаў, якія супрацоўнічаюць з сэрвісам, размешчаны ў адкрытым доступе на сайце «Steam»[5].
Першапачаткова распаўсюджваліся толькі гульні, трэйлеры і мадыфікацыі да іх, аднак у «Valve» некалькі разоў заяўлялі, што ў далейшым плануюць пашырыць спецыялізацыю сэрвісу, пачаўшы распаўсюд праз яго музыкі і паўнаметражных фільмаў[6][7].
© MMXXIII Rich X Search. We shall prevail. All rights reserved. Rich X Search