Straatsburg

Straatsburg
Kaart	Wapen
	Vlag
Land	Frankryk
Administratiewe gewes	Grand Est
Département	Bas-Rhin
Koördinate	48°35′N 7°45′O / 48.583°N 7.750°O / 48.583; 7.750
Stigting	12 v.C. (Argentoratum)
Oppervlakte:
- Totaal	78,26 vk km
Hoogte bo seevlak	132–151 m
Bevolking:
- Totaal (1 Januarie 2019)	287 228
- Bevolkingsdigtheid	3 700/vk km
- Metropolitaanse gebied	790 087
Tydsone	UTC +1 (MET)
- Somertyd	UTC +2 (MEST)
Burgemeester	Jeanne Barseghian (EELV)
Amptelike webwerf	strasbourg.eu

Straatsburg (Frans: Strasbourg [stʁasbuʁ], luister (hulp·inligting); Elsassiese Duits (Alemannies): Strossburi [ˈʃd̥ʁɔːsb̥uʁi], luister (hulp·inligting); Duits: Straßburg, [ˈʃtʁaːsbʊʁk], luister (hulp·inligting)) is die hoofstad van die gewes (région) Grand Est in die noordooste van Frankryk, met 'n bevolking van 287 228 in die stad (soos op 1 Januarie 2019) en sowat 790 087 in die metropolitaanse gebied. Die stad is ook die hoofstad van die département Bas-Rhin. Straatsburg lê teen die Illrivier, die Ryn-Rhône- en die Ryn-Marne-kanaal en beskik oor 'n rivierhawe. Die stad is 'n sentrum van die motor-, voedsel-, tekstiel- en masjienbounywerhede.

Straatsburg is die setel van die Europese Raad en die Europese Geregshof van Menseregte. Saam met die Belgiese hoofstad Brussel fungeer dit ook as die setel van die Europese Parlement.