Super-Kamiokande

Super-Kamiokande
Detector Cherenkov (es) , institutu d'investigación y neutrino detector (en)
Llocalización
País	Xapón
Prefeutura	prefeutura de Gifu
Ciudá	Hida
Coordenaes	36°25′00″N 137°18′00″E / 36.416666666667°N 137.3°E / 36.416666666667; 137.3
Super-Kamiokande Super-Kamiokande (Xapón)
Historia y usu
Apertura	1995
Web oficial

Super-Kamiokande, o Super-K, ye un observatorio de neutrinos alcontráu en Xapón. L'observatoriu foi diseñáu pa estudiar los neutrinos solares y atmosféricos, y pa detectar l'escayencia de protones y neutrinos provenientes de supernoves en cualesquier parte de la nuesa galaxa.

El Super-K ta alcontráu a 1.000 m so tierra na mina de Mozumi, propiedá de la compañía Kamioka Mining and Smelting Co. na ciudá d'Hida (d'antiguo conocida como Kamioka), en Gifu, Xapón. El mesmu consiste de 50.000 tonelaes d'agua pura arrodiaes per cerca de 11.000 tubos fotomultiplicadores. La estructura cilíndrica tien 40 m d'altu y 40 m d'anchu.

La interacción d'un neutrín colos electrones o los nucleos d'agua puede producir una partícula que se mueve más rápidu que la velocidá de la lluz na agua (anque, ta claro, más amodo que la velocidá de la lluz nel vacíu). Esto crea un conu de lluz por causa de la radiación de Cherenkov, l'equivalente ópticu d'una barrera del soníu. El patrón característicu d'esti rellumu aprove información sobre la direición y, nel casu de los neutrinos atmosféricos, la clase de neutrín que llega. La diferencia nel tiempu que s'esperimenta ente la llegada a la paré del detector de la parte cimera del conu y l'inferior puede usase pa calcular la direición na que s'avera la partícula; cuanto más grande sía la diferencia, mayor va ser l'ángulu de la horizontal de la trayeutoria de la partícula. El tipu de partícula puede inferise dependiendo de la nitidez del cantu del conu. Un muon enfusa fácilmente, tal que raramente interactúa cola agua, polo que produz un conu bien definíu. Un electrón regularmente va interactuar, causando agües de partícules adicionales y, por ello, va detectase un conu más borrosu.