Torohan

An torohan (Kastila: corrida de toros; Ingles: bullfighting) sarong tradisyonal na pasale sa Espanya, Portugal, Habagatan Pransiya asin sa magkapirang nasyon sa Latin Amerika arog kan Mehiko, Kolombya, Beneswela, Peru asin Ekwador na kun saen saro o magkapirang toro an tinataya sa torohan sa sarong plasa nin torohan (plaza de toros) bilang pakawat asin aling-alingan.

Ini bakò man na isport na padugoan ta mayo man nin nagpapatiribayan igdi. Ini mas orog na hinihiling na sarong pano-nin-ritwal na aktibidad na hararom nakatakod sa Hispanikong identidad asin kultura.

An torero iyo an nangengenot na artista sa torohan. An siisay man makatodas sa toro inaapod na maestro asin siya opisyal na binabansagan na matador de toros.