Tritiom

Hidrogen-3
taolenn
Pennañ
Anv, Simbol	tritiom, ³H
Neutronoù	2
Protonoù	1
Fedoù Fizikel
Bezañs naturel	roudoù
hanter-vuhez	12,32 vloaz
Produ an dezintegradur	heliom-3
Mas atomek	3,0160492 u
Spin	1/2+
Reveur a energiezh	14949,794 ± 0,001 keV
Energiezh eread	8481,821 ± 0,004 keV
Dezintegradur	Energiezh (MeV)
Dezintegradur beta	0,018590

An tritiom (T pe ³H) zo un izotop eus an hidrogen. 1 proton ha 2 neutron a zo dezhañ.

N'eo ket stabil. Setu ez eo radioaktivel. Embann a ra ur skinadur beta (ß-) tra m'en em dreuzfurm en heliom-3 (³He). E beriodenn pe hanter-vuhez zo kevatal da 12,3 vloaz.

En temperadurioù boas ez eus ur gaz eus an tritiom (HT pe T₂). E bezañs oksigen e produ dour tritiet (HTO) dioutañ e-unan.

Bez' ez eus tritiom en natur. Fardet eo e-barzh an aergelc'h dre interaktadur ar skinadur kosmek gant nukleüsoù natriom, oksigen hag argon a zo anezho e gwiskadoù uhelañ an aergelc'h. En em gavout a ra war al leur gant an dourioù glav.

Produet e vez an tritiom gant mab-den ivez :

gant an arnodoù termonukleel ez eus bet lakaet ur c'hementad tritiom en aergelc'h 100 gwezh brasoc'h eget gant an aktivelezh naturel (mammenn : CRIIRAD).

produet e vez tritiom gant reaktorioù atomek ar c'hreizennoù nukleel. En em gavout a ra en danvez loskus « uzet » ha dilaosket e vez al lodenn vrasañ anezhañ e-pad treterezh an danvez loskus-se.