UEFA

UEFA
Kenteken van UEFA
Engelse naam	Union of European Football Associations
Franse naam	Union des Associations Européennes de Football
Duitse naam	Vereinigung Europäischer Fußballverbände
Vasteland	Europa
Sportsoorte	Sokker
Gestig op	15 Junie 1954
Gestig in	Basel, Switserland
President	Aleksander Čeferin
Adjunkpresidente	Karl-Erik Nilsson Sándor Csányi Luis Rubiales Fernando Gomes Michele Uva
Sekretaris-generaal	Theodore Theodoridis
Sambreelorganisasie	FIFA
Setel	Nyon, Switserland
Lede	55
Amptelike tale	Duits, Engels en Frans
Amptelike webwerf	uefa.com

Die Unie van Europese Voetbal-assosiasies (afgekort UEFA vir Union of European Football Associations in Engels; Frans: Union des Associations Européennes de Football; Duits: Vereinigung Europäischer Fußballverbände) is die beheerliggaam vir sokker tussen Europese sokkerspanne. UEFA is een van die ses kontinentale organisasies van FIFA.

UEFA is op 15 Junie 1954 in Basel, Switserland, gestig. Die organisasie se hoofkwartier is tot en met 1959 in Parys gehuisves, waarna dit na Bern skuif. Sedert 1995 is die UEFA in Nyon, Switserland, gesetel. Die amptelike tale is Duits, Engels en Frans en sedert 2016 is Aleksander Čeferin die president van die UEFA.

Van al die kontinentale organisasies is UEFA die sterkste in terme van geld en invloed. Byna alle top-sokkerspelers ter wêreld speel in een of ander Europese kompetisie vanweë die hoë salarisse wat die ryk sokkerlande soos Duitsland, Engeland, Italië en Spanje betaal.

Baie van die sterker sokkerlande is ook in Europa geleë. Van die 32 spanne wat aan die FIFA Sokker-Wêreldbekertoernooi in 2014 deelgeneem het, kom 13 uit Europa.