Valencianu

Valencianu Valencià
Faláu en	España
Rexón	Comunidá valenciana
Falantes • Nativos: • Otros:	2,5 millones • 1.630.051^[1] • 884.179^[2]
Familia	Llingües indoeuropees Itálicu Romance Ítalo-occidental Occitano-romance catalán-valencianu-balear Catalán occidental Valencianu
Alfabetu	Llatín
Estatus oficial
Oficial en	Nengún país (cooficial con [[cooficial_con\|castellanu]] en Comunidá Valenciana)
Reguláu por	Acadèmia Valenciana de la Llengua
Códigos
ISO 639-1	nengún
ISO 639-2	`cat`
ISO 639-3
Estensión del valencianu

El valencianu ye la denominación histórica que recibe na Comunidá Valenciana l'idioma qu'oficialmente se noma catalán en Cataluña, Islles Baleares, Andorra y Alguero. Constitúi una entidá llingüística propia que-y convierte nuna de les principales variantes dialeutales del conxuntu catalán, xunto col catalán central y el balear.

El valencianu ta consideráu como llingua propia de la Comunidá Valenciana nel so estatutu d'autonomía, que-y da caráuter de llingua oficial xunto col español. Estímase qu'alrodiu del 94% de los valencianos pescancien l'idioma, y cerca del 78% lu falen y lleen, y un 50% lu escribe, según encuesta fecha en 2005 pol Serviciu d'Investigación y Estudios Sociolóxicos de la Generalitat Valenciana. El valencianu ye fonte de controversia, al considerar dellos sectores valencianos que se trata d'una llingua estremada del catalán.

Según l'Estatutu d'Autonomía de la Comunidad Valenciana l'idioma valencianu ríxese pola normativa de l'Acadèmia Valenciana de la Llengua,^[3] que parte de la tradición lexicográfica, lliteraria, y la realidá llingüística xenuina valenciana, según la normativización consolidada, a partir de les llamaes Normes de Castellón.^[4] Mientres que nos llugares fuera del ámbitu valencianu y murcianu onde se fala esta llingua ríxese pola normativa del Institut d'Estudis Catalans, anque nel casu de les Islles Baleares la seición filolóxica de la Universidá de les Islles Baleares, órganu consultivu del Gobiernu balear, adapta esa normativa al marcu dialeutal del archipiélagu.

[1] Encuesta uso y conocimiento del valenciano 2015. Falen perfectamente

[2] Encuesta uso y conocimiento del valenciano 2015. Falen bastante bien

[3] ttp://www.docv.gva.es/datos/2006/04/11/pdf/2006_4177.pdf

[4] ttp://www.boe.es/diario_boe/txt.php?id=BOE-A-1998-24262

[1]

[2]

[3]

[4]