Wappen

Es Wappe isch es Zeiche in Form vomene Schild für e Person bzw. Personegruppe wie zum Biischpiil für

• e Familie (Familiewappe),
• e Zunft (Zunftwappe),
• e Schtudenteverbindig,

oder e Gebietskörperschaft (Hoheitszeiche), zum Biischpiil für

• e Gmeind (Gmeindswappe, Gmeindswappe (Schwiiz)) oder
• e Schtadt (Schtadtwappe),
• en Landchreis,
• es Bundesland
• en Kanton oder
• es Land (Landeswappe).

D Regle zur Beschriibig und Gschtaltig vo Wappe, Ihri Herkunft und Bedüütig werded i dr historische Hilfswüsseschaft vo dr Heraldik (Wappekund) beschriebe.