X-Men

X-Men
Personaxe d'Uncanny X-Men (es)
Universu	Universu Marvel y Earth-616 (es)
Creador/a/es	Stan Lee Jack Kirby
Editorial	Marvel Comics
Base d'operaciones)	Casona X Base de los Reavers, Australia Isla d'Utopía (Océanu Pacíficu) Base del Proyeutu Arma X, Canadá, El Santuariu X, na dimensión del Llimbu, L'Abellugu X na Tierra Selvaxe.
Información
Miembros	Ver equipos X-Men
Estatus actual	Activu
[editar datos en Wikidata]

X-Men son un grupu de superhéroes del Universu Marvel, creáu por Stan Lee y Jack Kirby. Apaecieron por primer vegada en setiembre de 1963, nes páxines del cómic (The Uncanny) X-Men # 1.^[1]

Les sos aventures foron espublizaes en diversos cómics de Marvel Comics, llegando a esfrutar munches coleiciones mensuales dedicaes a ellos. Amás, realizáronse delles adautaciones en películes, series d'animación y otres obres derivaes.

La serie entama de la idea de que la evolución humana siguiría activa, atopándose de fechu ante una encruciada na que naz una nueva especie con una estructura xenética que-yos dota de grandes poderes y capacidaes, los mutantes.

El tema principal nes sos hestories ye l'enfotu por llograr el nomáu suañu de Xavier: la integración de los mutantes nuna sociedá humana que-yos tarrez y, qu'al empar, precisa la so proteición. Poro, Charles Xavier (llamáu "Professor X" o, a cencielles, "el profesor") decide reclutar un grupu de mozos mutantes y deprende-yos a usar los sos poderes, cola doble fin de protexer los homes de mutantes malvaos y defender los mutantes del mieu de los homes. Pela contra, otros grupos de mutantes busquen remontase violentamente contra la humanidá, y el principal d'ellos ye Magneto, el mayor enemigu del grupu.

La serie empecipia cola primer apaición pública del nuevu grupu, que col pasu de los años va camudando los miembros, ampliándose, produciendo numberoses series derivaes y aportando una de les exes del Universu Marvel fasta anguaño.

1. ↑ Uncanny X-men # 1 (Vol 1)