2 results found for: “terrorism_in_the_United_States”.

Main result

Rechtsextremismus

Dr Rachtsextremischmus (àui d’ extreema Rachta, d’ üsserschta Rachta odd’r d’ Ultrarachta) bezaichnet verschììdana extremischta Schtreemunga ìnnerhàlb vu dr politischa Rachta. Dr Begrìff umfàsst ultranàzionàlìschta, fàschìschta, neonàzistischa odd’r neofàschìschta politischa Ideologia un Àktiwiteeta. D’ Rachtsextremischta vertaidiga-n-a Gfüühl vun ethnischem Zammagheera, sìnn geega d’ soziààla un rachtliga Gliichhait vun àlla Mänscha, so wia geega dr Pluràlìschmus un Demokràtii. Sa wälla dr Nàzionààlschtààt ìn a „Volksgmainschàft“ umschtàlta, wo vun’ma aigawìlliga Reschiim gfiahrt wìrd. D’rbii wara d’ Begrìffa „Volk“ un „Nàzioon“ ràssistisch odd’r ethnopluràlistisch verschtànda. Dr Juudahàss, Främdafììndlikait un Islamfììndlikait sìnn wìchtiga Markmoola vu da rachtsextreema Beweegunga, grààd soo wia d’ àntiàmerikànischa Rhetorik un d’ Nutzung vu Verschweerungstheoriia. D’ rachta-n-Extremìschta vertaidiga-n-oft rewisionìschta Theesa ìwwer d’ Gschìcht vu bschtìmma-n-Äära, wia zem Biischpììl vum itàlianischa Fàschìsmus odd’r dr Zitt vum Nàzionààlsoziàlìschmus. Wänn Rachtsextreemìschta Gwàlttààta-n-iawa (wia Ìwwerfall un Ààschlaag), noh reedet maa vu Rachtsterrorìschmus. D’ rachtsextreema Ideologia hann züa Unterdruckung, politischa Gwàlt, gezwungana Àssimilàzioon, ethnischa Süüferung odd’r sogààr Velkermord geega-n-ìwwer d’ Mìnderhaitsgruppa gfiahrt, dänn d’ Mìnderhaita wara-n-àls „mìnderwartig“ odd’r àls a Drohung geega d’ Nàzioon, d’ Merhhaitsgrupp, dr Schtààt, d’ nàzionààla Schtààtsreligioon, d’ Mehrhaitskültüür odd’r geega d’ konsärwàtiiwa soziààla Inschtituzioona ààglüagt. D’ rachtsextreema Beweegunga benutza verschììdana Sìnnbìlder un Zaicha (wia z. B. s’ Hààkakriiz, s’ Kältakriiz odd’r Ruuna), wo ìn ainiga Lander verboota sìnn.