Deadpool 2 ye una película de superhéroes basada nel personaxe de Marvel Comics Deadpool, distribuyida por 20th Century Fox. Ye la docena película de la saga de películes de X-Men, y una secuela direuta de Deadpool la película de 2016. La película ta dirixida pol direutor David Leitch, (meyor conocíu por películes como: Atómica y por producir John Wick y la so secuela John Wick: Chapter 2) y tornen como guionistes Rhet Reese y Paul Wernick, cuntando cola protagonización principal de Ryan Reynolds, Morena Baccarin, T. J. Miller, Leslie Uggams, Brianna Hildebrand, Stefan Kapičić y Josh Brolin. Zazie Beetz y Jack Kesy interpreten a los personaxes nuevos.
Esta secuela de Deadpool yá s'anunciara dende la primer película na escena pos-creitos onde Deadpool diznos que vendría un nuevu personaxe llamáu Cable (Josh Brolin). Anque l'equipu creativu de la primer película tornó pa la segunda entrega, el direutor Tim Miller tuvo que dexar el proyeutu n'ochobre de 2016 por cuenta de diferencies creatives col actor Ryan Reynolds, y llueu foi reemplazáu por Leitch. Drew Goddard tamién tuviera compitiendo por dirixir la secuela y xunióse a la película pa consultar sobre'l guión a principios de 2017. Hubo una estensa busca de casting pal papel de Cable, pero finalmente Brolin foi quien escoyó'l papel. La filmación tuvo llugar en Columbia Británica, Canadá, dende xunu hasta ochobre de 2017. Mientres el rodaxe, el doble profesional Joi "SJ" Harris morrió nun accidente de motocicleta.
La película foi adelantrada pa ser llanzada en cines el 17 de mayu de 2018.
© MMXXIII Rich X Search. We shall prevail. All rights reserved. Rich X Search