1 results found for: “HUbris”.

Main result

Isabella Beeton

Si Isabella Mary Beeton (née Mayson; ika-14 kan Marso 1836 – ika-6 kan Pebrero 1865), mas bistado sa Mrs Beeton, saroong parapahayag na Ingles, paraliwat asin parasurat. An saiyang pangaran, partikular na nakatakod sa saiyang enot na libro, an 1861 na gibong Mrs Beeton's Book of Household Management. Ipinangaki siya sa London dangan, pagkatapos kan pag-aadal sa Islington, amihanan na London, asin Heidelberg, Alemanya, kinasal siya ki Samuel Orchart Beeton, sarong ambisyosong parapublikar asin paraliwat nin magasin. Kadtong 1857, mas hababa sa sarong taon pagkatapos kan pagsasarong daghan, pinu'nang magsurat si Beeton para sa saro sa mga publikar kan saiyang agom, iyo ini an The Englishwoman's Domestic Magazine . Idinakitaramon niya an piksyon na Pranses asin isinurat an harigi nin lutuon o cookery column, maski na an gabos kan mga resipe, napamamlahiyo gikan sa iba pang mga gibo o ipinadara kan mga parabasa kan magasin. Kadtong 1859 ipigtulod kan mga Beetons an sarong serye nin 48-pahinang bulanang suplemento sa The Englishwoman's Domestic Magazine; an 24 na mga installment, naipublikar sa sarong bolyum bilang Mrs Beeton's Book of Household Management kadtong Oktubre 1861, na nakapabakal nin 60,000 kopya sa enot na taon. Nagparatrabaho si Beeton sa sarong pinali'pot na bersyon kan saiyang libro, na kung sain, titituluhan kuta ini nin The Dictionary of Every-Day Cookery , kan nagadan siya sa puerperal fever kadtong Pebrero 1865 sa edad na 28. sa apat na aki, duwa sa sainda an nagadan sa pagkaaki, asin kadakulon na mga pagkakua o miscarriage. Positibo an teorya kan duwa sa saiyang mga parabiograpiya na sinda Nancy Spain asin Kathryn Hughes, na si Samuel, dai tinutuyong nagkontrata nin syphilis sa sarong pakikipag-takudan sa dai pa kasal sa sarong puta, asin dai tinutuyo na maiulakit an hilang sa saiyang agom. Nailiwat, pighira asin pigpadakula nin kadakolon na beses an Book of Household Management kan nagadan si Beeton asin nasa printa pa langgad arog kan sa 2016 . Pigsabi kan mga parasurat nin pagkakan na an kasunod na mga edisyon kan kagsurat, naparayo gikan sa asin mas hababa sa orihinal na bersyon. Pigkritika kan kadakulon na mga parasurat nin pagluluto, kabali sina Elizabeth David asin Clarissa Dickson Wright an gibo ni Beeton, lalo na an saiyang paggamit kan mga resipe kan ibang tawo. An iba, arog kan parasurat kan pagkakan na si Bee Wilson, isaalang-alang an sobrang pagsisisi, asin kaipuhan na isipon na pambihira asin kangalasngalas si Beeton dangan an saiyang gibuhon. Naging natatakod sa kaaraman asin awtoridad sa pagluluto asin pamamahala sa istaran ni Victoria (Victorian cooking and home management) an saiyang pangaran, asin nagsasabi an Oxford English Dictionary na kadtong 1891, naging piggamit an katagang Mrs Beeton bilang sarong pangkaraniwang pangaran para sa sarong awtoridad sa istaran. Pigkokonsiderar man siyang sarong makusog na impluwensya sa pagtitindog o paghuhubog kan sarong katahawan tipo nin pagkakakilanlan kan panahon nin Victoria.