2 results found for: “Nova_Kakhovka”.

Main result

Sagop nin Kakhovka

An Sagop nin Kakhovka sarong sagop sa Salog Dnieper (apod man, Dnipro) sa Kherson Oblast, Ukranya, natapos mahaman kan 1956 asin narungkab kan 2023, na ini nagwawaras nin tubig sa Kakhovka Hydroelectric Station (Ukrainian: Кахо́вська ГЕС імені П. С. Непорожнього). An mayor na katuyohan kan sagop iyo an pagprodyusir nin hidroelektrik na pwersa, irigasyon, nabigasyon asin tubig pampalipot sa nuklear na planta nin Zaporizhzhia. Ini an ikaanom asin ultimong sagop sa Dnieper reservoir cascade. An hararom na tubig kanal na namukna sa sagop mangyari nagin posible an pag'agi kan mga bapor magluwas-laog sa salog. An pasilidad may winter garden asin igwa man sa ibabaw kaini naaging tinampo asin riles. An Kakhovka Hydroelectric Power Plant igwang 241 staff kan Oktobre 2015. An direktor iyo si Yaroslav Kobelya kan Septyembre 2012. Kan 2019, an sagop nagkikita na gayo mala ta nagdara nin ₴6.1 million ($236,000) sa badyet kan gobyernong lokal asin ₴44.6 million ($1.73 million) sa kaban kan gobyerno nasyonal.