2 results found for: “refugees_from_Ukraine”.

Main result

2022 Pagsakyada kan Rusya sa Ukranya

Kan Pebrero 24, 2022, an Rusya nagbungsod nin lakopan na pagsakyada sa Ukranya, saro sa kadulon kaini sa sud-sulnopan. An siring nagin sayod na pagparo'ro' kan iriwal kan duwang nasyon, na sa presente yaon an duwa sa estado nin makuring siriplingan poon pa kan 2014. Pasunod kan inapod na Rebolusyon nin Dignidad kan 2014, an Rusya sinakop an Crimea asin an Ruso-suportadong pwersang separatista inagaw an parte kan Donbas na yaon sa subangan nin Ukranya, na iyo an nagsabrit kan walong-taon na gera sa rona'. May mga report na an pagsakyada iyo na an pinakadakula na nangyari sa Europa poon kan ikaduwang gerang pankinaban. An pagsakyada pinangenotan nin Rusong pagruso' kan mga elemento militar sa palibot kan Ukranya poon kan kaamayi nin 2021. An Estados Unidos asin ibang mga nasyon pigaakusar an Rusya na nag'aandam nin pagsakyada, alagad mga opisyales na Ruso pighihimutikan ini. Durante kan krisis, an presidente nin Rusya, si Vladimir Putin, nagrereklamo dapit sa mga bagay-bagay sa Ukranya: saiyang pigkondenar an pagpahiwas kan NATO bilang huma' sa seguridad nin Rusya asin si Putin nagpipirit na dai nanggad pabalihon an Ukranya sa NATOng pag'iribang militar, maski ngani daa an mga ballistic missile na depensa bako man nakahimunta sa Rusya asin ini dai man maaapektohan an kapabilididad kan Rusya sa saiyang pwersang pansagang sa anoman na huma sa seguridad kaini. Si Putin nagpapahayag man kan irredentistang mga pagtubod, Sa pag'huros kan pagsasakyada, si Putin asin mga opisyales sa Kremlin nagpagub kas nin mga seryeng akusasyon kontra sa Ukranya asin mga paghuhurot sa Ukranya asin NATO sa pag-ngata' na makabilog nin sarahotan para sa paglaog sa gera. Kan 9 Desyembre 2021, si Putin nagtaram na may mga diskriminasyon o pang-aapi nangyayari kontra sa mga Ruso na yaon sa luwas kan Rusya, asin daa Russophobia saka pangpupuho sa mga kadugong Ruso." Saiya pang pigkwekwestyon an deretso sa katalingkasan kan Ukranya. Kan 21 Pebrero 2022, an Rusya opisyalmente pigmidbid an Donetsk asin an Luhansk na mga republika kaini, an duwa sadiring-proklamang mga estado na kontrolado nin mga pro-Rusong mga pwersa sa Donbas. Sunod na aldaw, an Konseho kan Pederasyon unanimong pigawtorisar si Putin na maggamit nin pwersa militar sa luwas kan pagdulonan nin Rusya, asin huli kaini an rusya nagpabulos nin tropa sa mga naglitik na mga teritoryo.