5 results found for: “NATO”.

Main result

Turki

Républik Turki (basa Turki: Türkiye Cumhuriyeti) disambat Türkiye (Bahasa Turki: Türkiye) adalah sabuting nagari ganal di kawasan Éurasia. Wilayahnya terbentang matan Semenanjung Anatolia di Asia Barat Daya wan daérah Balkan di Éropa Tunggara. Turki babatasan lawan Laut Hirang di subalah utara; Bulgaria di subalah barat laut; Yunani wan Laut Aégéa di subalah barat; Jorjiya di timur laut; Arménia, Azérbaijan, wan Iran di subalah timur; wan Irak wan Suriah di tunggara; wan Laut Méditérania di subalah selatan. Laut Marmara nang jadi bagian Turki dipakai gasan manandai batas wilayah Éropa wan Asia, marga nitu Turki dipinandui sabagay nagari antarbenua. Indung banua Turki andakannya di Angkara tagal kota nang paling penting wan pangganalnya adalah Istambul. Marga andakannya nang ada di pasilangan dua benua, budaya Turki adalah campuran budaya Timur wan Barat nang unik. Turki adalah sabuting républik konstitusional nang démokratis, sékulér, wan basatu. Turki lawas-kalawasan bagabung lawan Barat sementara di saat nang sama manjalin hubungan lawan dunia Timur. Nagara ini salah sabuting anggota pendiri PBB , Organisasi Konferensi Islam (OKI), OECD, wan OSCE, serta nagara anggota Déwan Éropa mulay tahun 1949, wan NATO mulay tahun 1952. Mulay tahun 2005, Turki adalah sabutingannya nagara Islam panambayan nang berunding maumpati Syarikat Éropa, imbah jadi anggota koalisi mulay tahun 1963. Turki gén jadi anggota nagara industri G20 nang manamuakan 20 buah ékonomi pangganalnya di dunia.