Aleksandr Gelievitx Dugin (errusieraz: Александр Гельевич Дугин; Mosku, 1962ko urtarrilaren 7a) filosofo, analista eta estratega politiko errusiarra da, eta bere ideia politikoak faxistatzat jo izan dira. Hala ere, bera beste muturrean kokatuko litzateke, komunista gisa, alderdi neoboltxebike baten sortzaile gisa. Gaur egun, eurasianismoaren lider eta defendatzaile nabarmenena da. 2022aren abuztuaren 20an haren alaba, Daria Dugina, atentatu batean hil zuten; aita gertu zegoen eta zalantzak izan ziren erasoaren helburua zein zen argitzeko. Batzuen ustez Kremlinekin eta Errusiako armadarekin lotura estua du, baina hori ere zalantzan jarri da eta eragin mugatua duen figura marjinal gisa deskribatu da ere bai. Gennadi Selezniov Estatuko Dumako presidentearen eta baita Sergei Naryxkin, Errusia Batua alderdiaren buru nabarmenaren aholkularia izan zen. Dugin Boltxebike Alderdi Nazionalaren, Fronte Nazional Boltxebikearen eta Eurasia Alderdiaren antolatzaile nagusia izan zen. Hogeita hamar liburu baino gehiago idatzi ditu, horien artean Geopolitikaren oinarriak (1997) eta Laugarren teoria politikoa (2009).
© MMXXIII Rich X Search. We shall prevail. All rights reserved. Rich X Search