'S e paidhleat, speuradair agus saighdear às an Aonadh Sobhiat a th' ann an Alexey Arkhipovich Leonov (Ruisis: Алексе́й Архи́пович Лео́нов, IPA: ɐlʲɪˈksʲej ɐˈrxʲipəvʲɪtɕ lʲɪˈonəf, Listvyanka, 30 an Cèitean 1934). B' e Leonov a' chiad fhear a choisich san fhànas a-riamh, air 18 am Màrt 1965. Mhair an sgrìob taobh a-muigh luinge-fànais aige 12 mionaid. Theab e bhàsachadh leis gun do dh'fhàs an deise-fhànais aige air at agus cha b' urrainn dha till dhan long-fhànais ach a' leigeil ogsaidean a-mach. Rinn e turas eile ann an 1975 nuair a thàinig na longan-fànais Apollo agus Soyuz ri chèile. Bha e os cionn sgioba-trèanaidh prògram-fànais na dùthcha aige bho 1976 gu ruige 1982. 'S e sàr dhealbhadair a th' ann agus thug e peann is pàipear còmhla ris dhan fhànas: sheall e na dhealbhaich e shuas san fhànas gu Arthur C. Clarke is b' e seo a chleachd esan san nobhail aige 2010: Odyssey Two.
© MMXXIII Rich X Search. We shall prevail. All rights reserved. Rich X Search