3 results found for: “Felix_-_Don't_You_Want_Me”.

Main result

Billie Eilish

Billie Eilish Pirate Baird O'Connell, nada nos Ánxeles (California) o 18 de decembro de 2001, é unha cantante e compositora estadounidense. O seu primeiro sinxelo, «Ocean Eyes», volveuse viral e acumulou máis de 194 millóns de transmisións en Spotify desde 2015 até febreiro de 2019. O seu primeiro EP Don't Smile at Me lanzouse en agosto de 2017 e foi certificado como Gold pola RIAA; a maiores, cinco das cancións tamén foron certificadas pola RIAA (catro Gold, un Platinum). Tras o éxito do EP, Apple Music nomeou a Eilish como o seu novo artista de Up Next un mes máis tarde, en setembro de 2017. O seu primeiro álbum de estudo When We All Fall Asleep, Where Do We Go? apareceu en marzo de 2019 debutou no cume do Billboard 200 e converteuse no álbum de mellor saída en 2019 nos EUA Tamén conseguiu o número 1 no Reino Unido. O álbum contén 6 sinxelos do Top 40 de Billboard Hot 100: "When the Party's Over", "Bury a Friend", "Wish You Were Gay", "Xanny", "Everything I Wanted", e "Bad Guy". Este último converteuse no seu primeiro sinxelo que chegou ao número 1 nos Estados Unidos.