10 results found for: “Joe_biden”.

Main result

Joe Biden

Joseph Robinette Biden Jr., melio cognoscite como Joe Biden [ˈdʒoʊ ˈbaɪdən] (Scranton, Pennsylvania, SUA le 20 de novembre 1942 – ), es un politico statounitese qui es le 46te e currente presidente del Statos Unite de America desde januario 2021. Un membro del Partito Democratic, ille esseva antea un senator de Delaware ab 1973 a 2009 e le 47me vicepresidente ab 2009 a 2017, durante le administration Obama. Elevate in Scranton, Pennsylvania e in Delaware, Biden studiava le lege a duo universitates. In 1970, ille esseva eligite como un consiliero local in Delaware. In 1972, ille esseva eligite al Senato in un resultato impreviste. Ille esseva al initio un del senatores plus juvene in historia statotunitese. Durante su carriera longeve in le Senato, ille laborava a lor committees de relationes externe e justitia. Su labores concerneva politicas de drogas, crimine e libertates civil. Ille habeva rolos major in le creation de un lege de prevention de crimines furiose e un lege de prevention de violentia contra feminas. Ille labora etiam re nove nominationes de judices al Corte Supreme, inclusive le sessiones re le nominationes controverse de Robert Bork e Clarence Thomas. Ille contestava le nomination presidential del Partito Democratic sin successo in 1988 e 2008. Barack Obama, le 2008 candidato presidential del partito, seligeva Biden como su candidato vicepresidential. Illes ganiava le electiones de 2008 e de 2012. Como vicepresidente, Biden esseva un consiliator importante a Obama. Ille adjutava le negotiations de leges de stimulo economic contra le Recession de 2008, de taxation e de expensas federal. Duo annos post ille e Obama partiva lor officios, Biden comenciava un tertie campania presidential. Ille ganiava le nomination del Partito Democratic in le electiones primari in 2020 e, plus tarde in iste anno, vinceva le presidente incumbente Donald Trump in le election presidential de 2020. Biden e su vicepresidente Kamala Harris esseva inaugurate durante le pandemia de Covid-19 e post agitation per adherentes de Trump. Biden deveniva le presidente statounitese plus vetule, habente 78 annos, le secunde catholic (post John F. Kennedy) e le prime de Delaware.