Ni Eldred Gregory Peck (Abril 5, 1916 – Hunio 12, 2003) ket maysa idi nga Amerikano nga aktor nga isu ket maysa kadagiti kadayegan nga artista iti pelikula manipud kadagiti tawen ti 1940 aginggana kadagiti tawen ti 1960. Nagtultuloy ni Peck a nangiladawan kadagiti nangruna a papel aginggana kadagiti naladaw a tawen ti 1970. Ti panangiladawanna a kas ni Atticus Finch idi 1962 ti pelikula iti To Kill a Mockingbird ket nakagun-odanna iti Kalaingan nga Aktor. Isu ket nainomonado pay iti Oscar iti isu met laeng a kateoria para iti The Keys of the Kingdom (1944), The Yearling (1946), Gentleman's Agreement (1947) ken ti Twelve O'Clock High (1949). Dagiti daddumapay a nagparanganna a pelikula ket mairaman ti Spellbound (1945), The Paradine Case (1947), Roman Holiday (1953), Moby Dick (1956, ken ti miniseryena iti1998), The Guns of Navarone (1961), Cape Fear (1962, ken ti pannakaaramidna manen iti 1991), How the West Was Won (1962), The Omen (1976) ken ti The Boys from Brazil (1978).
Pinadayawan mi Presidente Lyndon B. Johnson ni Peck iti Presidensial a Medalia ti Wayawaya idi 1969 para kadagiti humanitario a ganetget iti kabibiagna. Idi 1999, ti American Film Institute ket inranggona ni Peck a kas maika-2 kadagiti Kalatakan a Lalaki nga Artista iti sinema ti Klasiko a Hollywood.
© MMXXIII Rich X Search. We shall prevail. All rights reserved. Rich X Search